maanantai 23. marraskuuta 2015

Duohta jaskatvuohta

Duohta jaskatvuohta ii leat nu, ahte buotlágán jienat váilot. Lea baicce nu, ahte don váillut.



- Wu Shin - 

perjantai 14. elokuuta 2015

There is so much magnificence


"Go riegádit, máilbmi ávvudii ja don čirrot. Eale dainna ládje, ahte máilbmi čierru ja don ávvudat vádjolettiinnat eret."

There is so much magnificence ...


torstai 6. elokuuta 2015

lauantai 4. heinäkuuta 2015

Arunachala várri

Ledjen Thiruvannamalais ođđajagimánus. Lea bássi báiki hinduide. Doppe gávdno ee. Arunachala várri, Ramana Maharishi ashram, Annamalaiyar Shiva tempel

Arunachala várri

Annamalaiyar Shiva tempel


Arunachala várri Thiruvannamalais,Tamil Nadu oassestáhtas Indias, lea bássi báiki hinduide. Oarjeriikkain báiki šattai dovddusin Bhagavan Ramana Maharishi (1879-1950) bokte. Go Ramana lei 17-ahkásaš, fáhkkestaga jápminballu bohcidii sisttis vaikko lei áibbas dearvvas. Dát jurdda ii goitge guhká baldán su; son báicce luittii vulos veallát ja jurddašii: dál lean jápmán. Son láhttii dego livččii jápmán - doalai rupmaša doaŋgasin ja heittii vuoigŋamis.  Fáhkkestaga čiekŋalis fuomášupmi čuožžilii sisttis:  in leat dát rumaš, muhto báicce agálaš vuoigŋa. Fárgga dán vásáhusa máŋŋïl Ramana suoli báhtarii eret ruovttus ja johttigođii Arunachala vári guvlui. Ja go lei Arunachala várrái ollen, de ii goassige šát guođđán dan báikki.

Veahážiid mielde ságat dán imášlaš nuorra gándda birra leavvagohte. Ramana goitge hálidii orrut okto ja mediteret. Dávjá lei jámálgan ( samadhi ), iige lean gearggus gulahallagoahtit olbmuiguin. Gulul goitge doavdagođii, ahte galggai veahkehit vuoiŋŋalaš ohcciid, geat ohcet oahpisteami. Nappo heittii čohkkámis jaska ja álggii rávvet ohcciid vuoiŋŋalaš bálgás.

nuorra Ramana


David Godman, gii lea guhká orron Ramana Ashramis, muitala Bhagavan Ramana ja Annamalaiyar tempela birra.





torstai 2. heinäkuuta 2015

Snatam Kaur ja sikhisma



Snatam Kaur lea amerihkálaš kirtan lávlu ja ráffi aktivista. Su eallinvuohki vuođđuduvvá Sikhi árbevirrui.








Indias, Punjab oassestáhtas,  gávdnojit olu sikhit. Seammá guovllus gávdno maiddái dovddus Sikhi tempel, Golle Tempel ( Harmandir Sahib ). Mu buorre ustit Jarkko Yasass Parviainen aiddo lei doppe ádjubainnis.

Golle Tempel

Jarkko ja su sikhi ustit

Jarkko ja su áddjut Liina 

Golle Tempel ihkku

Liina 

Frank & Jen muitaleaba Golle Tempela birra




sunnuntai 28. kesäkuuta 2015

Máššu


Máŋgasat jurddašit, ahte gelddolašvuohta lea seammá go lihkolašvuohta. Muhto go don šattat gealdagassii, de dus ii leat šat máššu. Duohta lihkolašvuohta vuođđuduvvá mášu ala.


- Thich Nhat Hanh -

torstai 25. kesäkuuta 2015

17th Karmapa

17th Karmapa Ogyen Trinley Dorje



17th Karmapa Ogyen Trinley Dorje finai Eurohpás jagi 2014. Lei vuosttaš háve go beasai Eurohpás fitnat. Olbmot ledje guhká vuordán su boahtit. Ja go viimmát bođii, de máŋgasat ledje čihččet almmis dego dát nuorra deavdu ... :





Karmapa báhtarii ođđajagimánus jagi 2000 Tibetas Dharamsalamii, Indiai. Ledjen aiddo dálle Dharamsalamis go Karmapa dohko ollii. Karmapa lei dušše 14-ahkásaš. Lei gáfat somá deaivvat suinna.




Maŋimuš jagiid son lea beassan johttit maiddái India olggobealde. Muhto velge sus lea váttisvuohta oažžut visuma. Son ii leat seamma dovddus go Dalai Lama, muhto boahttevuođas su namma eahpitkeahttá šaddá oahpisin, juos beare beassá eanet johttit.

17th Karmapa Ogyen Trinley Dorje mánnávuođas gávdno hui somás filbma Youtubes,





keskiviikko 24. kesäkuuta 2015

Krishna Das, yoga rock-násti


Krishan Das lea kánske dovdoseamus bhajan dahje kirtan lávlu oarjeriikkain. Jagi 2013 son oaččui Grammy bálkasumi ja dan oktavuođas son gohčoduvvui yoga rock-nástin.

23-ahkásažžan Krishna Das mátkkostii vuosttaš háve Indiai ja deaivvai doppe Neem Karoli Baba. Golmma jagi maŋŋil KD lei vuos vuolgimin Baba lusa. Muhto dađibahábut Baba vádjolii eret áiddo go KD lei vuolgimin. KD doavddai, ahte Baba livččii sávvan su lávlugoahtit bhajaniid, vaikko son ieš livččii hálidan vuolgit Indiai sadhun ( golgolažžan). Jagiid maŋŋil KD lávlugođii bhajaniid álmmolaččat.

Ja ná KD lávlu ...





Krishna Das


Neem Karoli Baba


sunnuntai 21. kesäkuuta 2015

Somás Bhajan, á la Nina Hagen


Amma Amma Taye
( amma = eadni )




21.6. Riikkaidgaskasaš Yoga Beaivi


Odne lea vuosttaš Riikkaidgaskasaš Yoga Beaivi. Miehtá máilmmi olbmot čoahkkanit gosa nu yogastallat. Indias stáhtaministtar Modi oassálasttii máiddai yogastallamii.






lauantai 20. kesäkuuta 2015

Viisodaga sánit Eadni Teresas


Olbmot leat dávja meareheamit ja egoisttalaččat.
Atte ándagassii sidjiide liikká.

Juos don leat ustitlaš, olbmot sáhttet soaibmat du duogaš motiivvisttát
Leage ustitlaš liikká.

Juos don leat rehálaš, olbmot sáhttet dájuhit du.
Leage rehálaš liikká.

Juos don gávnnat illuvuođa, olbmot sáhttet gáđastit du.
Leage ilolaš liikká.

Buorit dagut, maid dagat odne, sáhttet vájalduvvot ihttin.
Daga buriid daguid liikká.


Atte máilbái buoremusát, mii dus lea. Soaitá, ahte dat ii leat doarvái.
Atte buoremusát liikká.

Oainnat, loahpa loahpas dat lea du ja Ipmila gaskkas.
Dat ii goassige lean du and sin gaskkas.


- Eadni Teresa -

Gáfat buorit bhajanat


Gáfat bures son lávlu bhajaniid, Moola Mantra ja Gayatri Mantra,
á la Deva Premal, mu favorihtta!









torstai 18. kesäkuuta 2015

Vipassana


Juos hálida čohkkat jaska máŋga diimmu beaivvis, de Global Vipassana Pagoda sáhttá lea miellagiddevaš molssaeaktu. Lea sullii diimmu geažes Mumbais, luonddu gasku. Jámma jorret logi beaivásaš vipassana retriithat. Lea hui fiinna báiki.

Om shanti, shanti, shanti!
( shanti = ráffi )

keskiviikko 17. kesäkuuta 2015

Rishikesh - albma yogastallan báiki




Rishikesh lea gávpot Eadni Ganga joga salas, lahka Himalaya duoddariid. Lea bássi báiki ȟinduide. Doppe finadin njukčamánu loahpas. International Yoga Festivala lágiduvvo doppe  juohke jagi njukčamánus.





Doppe vánddardit sadhut valjis. Illá sáhttá johttit dien guovllus oaidnekeahttá dáid vuoiŋŋalaš ohcciid. Sii leat heaittán ohcamis illuvuođa máilmmis. Sii báicce ohcet moksha, agálaš oktavuođa dasa, mii ii vádjol eret iige ihtal. Muhto gávdnojit máŋggalágán sadhut. Ii leat nu eahpedábálaš gávdnat sadhu borgguheamen marijuana dahje hasisa.



Swami Shivananda ( 1887-1963 ) lei dovddus sadhu Rishikeshis. Dán áigge
Shivananda Yoga lea viehká dovddus ja bivnnut. Dan unná stobus son hárjehalai
garra tapas ( garra vuoiŋŋalaš  hárjehus ) loginár jagi.



Gussa lea viehka bássi ealli hinduide, ja nappo sii leat valjis nugo sadhut
Eadni Ganga joga gáttis.




Ja dieđusge ferte njuiket bássi Ganga johkii vai miella ja siellu buhtásmuvvá.

Lea alit fápmu mii loahpa loahpas dahká visot. Juos olmmoš dan bastá dohkkehit, de sus eai leat váttisvuođat. Muđui son beare sogŋostallá váttisvuođaiguin.


- Ramana Maharishi -

sunnuntai 14. joulukuuta 2014

Oassádallan

Juos galggašii ovttain sániin namuhit čovdosa goasii juohke váttisvuhtii dán máilmmis, vástádus livččii oassádallan.




- Amma -

Mu oskkoldat lea ráhkisvuohta




-  Amma -


Namaskar! Lean moatte beaivvi das ovdal ollen Indiai. Dál lean Amritapuris, Keralas. Geahččalan bidjat  govaid  deike siidduide fárgga. Eadni Amma lea "jođus" nugo dábálaččat, ikte son válddii olbmuid birra čeabeha jámma 15 diimmu ja heittii easkka guovtti áigge ihkku. Om Namah Sivaya!


lauantai 22. marraskuuta 2014

Go don dieđát, mo galgá guldalit, dalle juohkehaš sáhttá leat dutnje Guru.



- Ram Dass -

perjantai 21. marraskuuta 2014

torstai 20. marraskuuta 2014

Du áidna duohta ustit lea du miella, du áidna duohta vašálaš lea du miella.

 - Buddha -


sunnuntai 16. marraskuuta 2014

Eat mii buohkat sáhte bargat stuorra ássiid. Muhto mii sáhttit bargat unná ássiid stuorra ráhkisvuođain.


- Eadni Teresa -

perjantai 14. marraskuuta 2014

Hárjehit oassádallima sáhttá veahkehit dahje ii su, geasa dat čuohcá, 
muhto dat sihkkárit veahkeha su, gii dan bargá.



-  Dalai Lama -